Tanaddalt tadzayrit Nassima Saifi tewwi-d tazalɣi n wureɣ deg uḍegger n usakel (F57) s uḍegger n 35 n lmitrat d 55 cm, ass n asiḍyas (ssebt) deg unnar n Saint-Denis, ilmend n wass wis sin n temssizwert n uraren n teṭṭlit n yimeɛdar, deg ukatar n Wuraren iparalimpiyen wis 17 deg Paris (28 ɣuct - 8 ctember).
Tadzayrit-a i yeṭṭfen akliḍ amaḍlan d win n yimeɛdar, yella zdat n tcinwat Xu Mian (32 n lmitrat 81 n yisantimitren) d tnezbikit Khamdamova Mukigul (32 n lmitrat d 75 n yisantimitren).
tuta-nnes Safia Jalal tfuk timsizzelt-a deg umḍiq wis 8 s udegger yewwḍen ar 29 n lmitrat d 17 n yisantimitren.
Seg yidis-nnes, Samir Nouiioua yeṭṭef amḍiq (adeg) wis 6 deg temsizwert n 1500 n lmitrat (T46) s wakud n 3m57s30g, ma d Bakhta Benalou teṭṭef amḍiq wis 8 deg temsizwert n udegger n yididel (F13) s tikti tewweḍ ar 29 n lmitrat d 63cm.
Ass wis sin n temsizwert-a n uraren i yimeɛdaren deg tedwilt tis 17 n Wuraren Ulimpiyen n Paris ad iẓeṛ adaf n kraḍ-a, Ahmed Muhaidib, Walid Farahah, d Abdelhak Missoni, deg umsazwar n uḍegger n ṣewlajan (F32), ara yebdun ɣef tis 18.04. n tmeddit.
