Teɣtes Dzayer, s yimek d anayan, ad d-tesguri mraw-sin n yimeggiyen yettmahalen deg tmazelt d tqenṣuliyin n Fṛansa deg Dzayer, d imdanen irmeɣsa. Imeggiyen-a qqnen ɣer uɣlif n ugensu n Fṛansa. Yessefk ad ffɣen seg ugelluy aɣelnaw seg-a ɣef 48 n yisragen, ɣef wakken d-yenna, ass n uynas, yiwen n ulɣu n uɣlif n yiweẓla iwerdaniyen, amɣiwan aɣelnaw deg uzɣar d yiweẓla ifriqiyen.
Aɣtas-a “yusa-d deffir wabbaẓ anhanay d umaka i gan yimeẓla n uɣlif n ugensu afṛansi i yiwen n umeggi aqenṣilan n uwanak anayan yettwawekklen deg Fṛansa, ass n 8 yebrir 2025, deg ubrid anagdud”.
Tarrayt-a timseɣlit iyes aneɣlaf n ugensu yella yeɣs ad as-yesseɣli azal i Dzayer, tella-d war ma yettwaddem deg leḥsab uẓayer aqenṣulan n umeggi-a, yernu aya yerkeḍ akk insayen d tmeskar tidiplumatiyin, am wakken d-yella d arkaḍ ufḍiḥ n temyaqqanin d yimyeḍwal yerzan aya”, ɣef wakken d-yesseddi uɣbalu-a.
Dzayer teɣs ad d-tesmekti dakken igi-a imseɣli d analkam n waddud anibaw, asḥassaf d yimezgi n uneɣlaf afṛansi n ugensu deg wayen yerzan Dzayer.
Aneɣlaf-a, igerrzen deg temhalt tinetlanin i d-yettilin i yiswiyen d udmawanen kan, d win i yusren afṛaz asertan.
Abbaẓ-a amenwal n yiwen n umeggi aqenṣulan yellan ddaw umesten n waffal d tseglut yeqqnen ɣer uẓayer-nnes d usmuggu-nnes s yimek d uctif yernu d imseɣli amzun d amakar, aneɣlaf-a ibubb tamasit tummidt n uɣayan mani udfen wassaɣen gar Dzayer d Fṛansa deg wakud mani assaɣen-a bdan-d takkayt n usefsi n ugris deffir teɣri tansawalt gar yinemɣuren n uwanak n snat-a n tmura, i d-teḍfer terzi n uneɣlaf afṛansi n yiweẓla iwerdaniyen ɣef Dzayer”, ɣef wakken d-yenna ulɣu-a.
Dzayer tettales tettwekkid-d dakken “mer ad d-tili tigawt niḍen tarkaḍant n uneɣlaf afṛansi n ugensu ad tt-tqabel, deg ukatar n umenzay n umyaɣi, tririt d tuɣtist yernu d tawatant”, ɣef wakken tt-id-yextem uɣbalu-a.
