DZAYER TAMANEƔT – Tessedger Tazzirt Tazewwaɣt Tadzayrit, deg ukatar n wahil-nnes ilmend n Tfaska Tameqqrant, tallalt tadrimant d tnuččit akked yiselsa i mennaw n twaculin ixuṣṣen deg ugelluy aɣelnaw, ɣef wakken i d-yenna, ass n ukwas, yiwen n ulɣu n tsudut-a.
« Iferdisen d yiwiziwen n Tazzirt Tazewwaɣt Tadzayrit sdegren iselsa i wugar n 2000 n yigujilen seg mennaw n twilayin n tmurt. Tettunefk daɣ tallalt tadrimant d uksum i 2000 n twaculin, gar-asent tid yellan d tiɣtas n yiḥemmalen i iḥuzan, melmi kan, tawilayt n Tipaza. Nnig waya, ttunefkent tunṭicin d wakraren i kra n yiɣerman », ɣef wakken i d-yenna ulɣu-a.
Ttunefkent daɣ tunṭicin, iselsa d yirkasen i kra n yimkurma.
Deg wass amezwaru n Tfaska, rzan kra n yiwiziwen ammasen yemgerraden deg ugelluy aɣelnaw, gar-asen iɣrem n yigerdan n SOS deg Ddṛaṛya (Dzayer Tamaneɣt) d wammasen n tgerda iweḥlen deg Tmenɣest d Ssɛida anda i d-tella tmezliwt n wakraren deg yiswaɣ awaculan ».
Iwiziwen-a rzan daɣ ɣef yigerdan imuḍinen deg mennaw n yisegnafen yernu fkan-asen isefka akken ad d-sseknen tamsetlelt-nsen d twaculin n yigerdan-a.
