Tenna-d Tnarit n Yiɣlanen Yeddukklen i Usemyuddes n Yiweẓla Imdananen (OCHA) ass n usinas dakken ugar n 1,4 (yiwen ticcert kuẓ) d amelyun medden ur d-yeṭṭifen ara taneqqast-nsen tanuččit tamayyurt deg tgara n ctembeṛ deg Ɣezza ideg d-yettili ukellid aṣehyuni seg wass n 7 ctembeṛ 2023.
Deg trarast taneggarut n tnarit, tessegza-d Tnarit n Yiɣlanen Yeddukklen i Usemyuddes n Yiweẓla Imdananen dakken « inebgalen n Yiɣlanen Yeddukklen yettmahalen akken ad d-ssisen tallalt tamdanant ccaɣlin-d dakken ɣef lǧal n lexṣaṣ n tsisiyin, ugar n 1,4 d amelyun n yimdanen ur d-yeṭṭifen ara taneqqast-nsen tanuččit tamayyurt deg Ɣezza deg tgara n wayyur n ctembeṛ ».
Yerna-d dakken « ccil n yilɣiten yellan d unqas n tuna, Ahil Anučči Anmaḍal yessaweḍ ad yalel tasmekta n 363000 n yimdanen deg Ɣezza deg ctembeṛ ».
Ineblagen n Tuddsa n Yiɣlanen Yeddukklen nnan-d dakken « llant ugar n 150 n tenwalin i d-yessasayen tasmekta n 600.000 n tram i twaculin n Ɣezza yal ass yernu bdant amahil seg yimalas wis kraḍ n ctembeṛ », ɣef leḥsab n tnarit-a, am wakken i d-terna daken « aktamur-a n ufares n tram ad yenqes deg tubeṛ ɣef lǧal n unqas n usigeẓ ».
Tderrer-d tnegga-a taɣelduklant dakken “yella usra d utrib i wugar n tsisiyin akken ad zemrent tuddsiwin timdananin ad dehlent tiwaculin tuṛhifin uqbel ma tewweḍ-d tsemhuyt n unẓar d wayyuren n tegrest ».
Seg yidis niḍen, xebbren-d yineblagen n tdawsa n Tuddsa n Yiɣlanen Yeddukklen dakken tasmekta n 12.000 n yimuḍinen ur ssawḍen ara ad ttwayren ɣer beṛṛa n Ɣezza ɣef lǧal n umdal n unemdu n Rafah deg mayu yezrin.
Deg wayen yerzan tagnit deg Ugemmaḍ Utrim yettwawedgen, tanarit-a taɣelduklant dakken imserdaben n uwdag swaɣen ibriden n temdint n Tulkarem d ugrur-nnes n yizrazaɣen, yernu d aya i icewwlen iẓeḍwa n waman d usedwes yernu yebbi aman n tissit i wugar n 25.000 n yimdanen.
