DZAYER TAMANEƔT – Tessaẓer Dzayer asiẓer « d uɣtis » igiten i gan kra n yimeẓriɣfen iswidiyen i yesserɣen tisukinin n Leqran Uqdis sdat Tmesgida Tameqqrant n Stockholm, deffir ma yettunefk-asen-d usireg sɣur yiduba aswidiyen akken ad ssuddsen tameskant akken ad gen igi-a uksin d urmasay, ɣef wakken i d-yenna, ass n ukwas, yiwen n ulɣu n uɣlif n yiweẓla iwerdaniyen d umɣiwan aɣelnaw deg uzɣar.
« Dzayer tettales tettwekkid-d tagayt-nnes tummidt i tmeḍrut-a tasmentast i d-yellan deg wass amezwaru n Tfaska Tameqqrant, yernu tettḥettit-d akken timeskar-a tizulalin d-yetteqqalen d tid i d-yesmentasen aksan d wafrayen isɣananen n yinselmen imi i rekkḍen mliḥ azalen n tlelli iɣef rsent tmettiyin d wakk azalen ilsanen yeqqnen ɣer-sen », ɣef wakken i d-yenna ulɣu-a.
Tules-d daɣ Dzayer tiɣri i « usmal n wazalen n tsureft, adiwenni, tmeddurt ddukli d tagayt n teẓriɣeft akked urgal n utɛeddi ɣef yisɣanen d wakk ayen yellan d uqdis deg-sen », ɣef wakken i tt-id-yextem ulɣu-a.
