UM LEBWAQI – Twekked-d tneɣlaft n temsetlelt taɣelnawt, tawacult d tewtilt n tmeṭṭut, Kaouther Krikou, ass n ukras deg Um Lebwaqi, ilmend n Tfaska Tameqqrant, ɣef « tixxutert n temsetlelt d teɣwalt tagersutant ».
Deg yiwet n tesguri i tɣemsa, deg yijifeṛ n tfugla i d-yellan deg telmat n uzumbi n yiɣefdeg n twilayt ilmend n yiriri n tejmilt i wid yellan deg uxxam n yimɣaren, tessenfali-d tneɣlaft azal i tettafk i wayen umi tsemma « adukkel gar yimɣaren d yigerdan » deg yiswaɣ n tumert d umsenfal n yihenniyen ilmend n Tafaska Tameqqrant, yernu tenna-d dakken aya yeḥrez taɣwalt tagersutant.
Tafugla-a d tin ideg d-llan yihanayen n uẓawan, ccna d yiqawjajen s tihawt n yigensasen n tfekkiwin n tɣellist (tamsulta d temsetlelt taɣelnawt), amesten aɣarim, Iskutiyen Inselmen Idzayriyen, tiddukliwin d mennaw n yiɣermanen, yernu d aya i d-yesskanayen talqayt n temsetlelt talsant n uɣref adzayri, ɣef wakken i d-tenna tneɣlaft.
Massa Krikou tebda-d tirzi-nnes deg twilayt-a s uɣrem ideg d-ilul umeɣrus Larbi Ben Mhidi, deg yiɣrem n El Kouahi, deg tɣiwant n Ɛin Mlila, anda i thenna tawacult tagrawlant akked tuǧǧal n yimeɣrusen d warraw-nsen ilmend n Tfaska Tameqqrant.
Taneɣlaft, wukkud yella uwali, Samor Nefla, akked yiduba iɣarimen d yiredsanen, tɛezza daɣ tawacult n umjahed Aboud Beriza deg Ɛin Kerca, d win yellan d amaslaḍ n Tredsa n Uslelli Aɣelnaw yernu yewweḍ tamella n Yuc ass n ukras ɣer 89 n yiseggasen.
