Dzayer d Ityupya wekkdent-d timeɣsiwt-nsent akken ad rrent “assaɣen-nsent ifazanen” d imirwen “d ibɣuranen ugar” seg yidis adamsan, yernu sɣemsent-d dakken mmirwent akken ad sgirent akala n tukksa n usehres, ladɣa deg Tefriqt.
Snat-a n tmura “zzirgent-d ɣef tḍullit akken ad uɣalen wassaɣen idiplumatiyen ifazanen gar snat-a n tmura d imirwen ibɣuranen ugar seg yidis adamsan yernu nnant-d dakken yessefk ad ttwassinḍent tɣula n unmireg”, ɣef wakken d-yenna yiwen n ulɣu ublig n Tesmilt Turtikt Tadzayrit-Tityupit d-yellan ussan n 12 d 13 yebrir deg Addis Abeba.
Imahilen n tesmilt-a yesselwi-tt uneɣlaf n uwanak, aneɣlaf n yiweẓla iwerdaniyen, amɣiwan aɣelnaw deg uzɣar d yiweẓla ifriqiyen, Mass Ahmed Attaf, d tuta-nnes ityupi, Mass Gedion Tomothewos, yernu llan-d d talemmiẓt i uwekked ɣef “wassaɣen imezruyanen idusanen” gar snat-a n tmura d usnirem n yilfusen n usdusu-nsen.
“Ssawlen sin-a n yidisan ɣef uktazel n waddad n twaẓit n usnas n yiɣtasen yezrin d usnirem n tɣula timaynutin n unmireg”, ɣef wakken d-yenna ulɣu-a.
“Zzirgen-d sin-a n yineɣlafen taḍullit n usdusu n wassaɣen igraṛmisanen gar snat-a n tmura, am wakken d-umlen ablag asertan n uswir umnig gar-asent”, ɣef wakken d-ikemmel uḍris-a.
Wwin-d daɣ awal ɣef unmireg deg tɣult n umzaɣ d tiɣist tagemdant deg yimahilen-a, ɣef wakken d-yerna uɣbalu-a.
Seg yidis niḍen, “ulsen wekkden-d amirew-nsen amyaɣ akken ad sdusen anmireg adamsan asindisan s ufaṛes seg tlemmiẓin n usnas ummid n Wasun Amenẓawan Afriqi n Umsenfal Ilelli”.
