DZAYER TAMANEƔT – Yekcef-d uneɣlaf n tnezzut d usmal n yisiǧwen, Tayeb Zitouni, aciri n tesleḍt n temṣukin n watigen n kra n yifarisen n usuduer ameqqran d usnemhel-nsen d watigen n taggazin tinmaḍalin, yernu yella-d waya deg ukatar n wussisen i d-yellan i ubaḍi n watigen d tfatuṛin n waǧaw.
Deg yiwet n terzi deg unrar i iga uneɣlaf ass n ukras deg wass amezwaru n Tfaska Tameqqrant ɣef kra n tɣiwanin n Dzayer Tamaneɣt akken ad yessefqed ma zerken yimsenza anagraw n teɣlalt d tillit n yifarisen n usuder ameqqran, ixebber-d Mass Zitouni dakken « yettili-d, ussan-a, uslaḍ n temṣukin n watigen n kra n yifarisen d usnemhel-nsen d watigen n taggazin tinmaḍalin ».
Deffir ma yesla i kra n yilemẓiyen i d-yeccetkan ɣef tmerniwt n watigen n kra n yifarisen am teɣlust, yenna-d Mass Zitouni: « Mazal nessebgas-d tiɣlamin n usnuḍef adamsan akken ad ssestnent ɣef watigen n yifarisen deg wulzuzen yernu ad sdusen ammaken n teɣwalt d yimeggiyen n tɣult n tnezzut d yimsudren akken ad d-afen anwi i d imasayen segmi ara d-yeffeɣ ufaris arma yewweḍ ɣer yimsuder ».
