TIHERT – Gan yiwen n urmas unṣib aɣerfan, ass n usimwas (lǧemɛa) tameddit, i telɣuɣt tulampit n tleggimt, Imane Khelif, i d-yewwin tazalɣi n wureɣ deg Turarin tulampitin n Paris 2024.
Tafugla n urmas n telɣuɣt akked usleɣmay-is Mohamed Chaoua teḍra-d deg tesɣimt n ugezdu, ideg iduba idiganen akked teddukla « Radieuse » feṛzen Imane Khelif.
Deg tesguri i tɣamsa tenna-d, tin yewwin tazalɣi n wureɣ deg Turarin tulampiyin n Paris dakken « tehda tarennawt i wid akk tt-idehlen », tezzireg-d dakken « tarennawt-a temmal-d aguccel akked ukettur n tmeṭṭut tadzayrit deg uqabel n yicqirrwen ».
« Ssarameɣ ad iliɣ d amedya i tsutwin i d-iteddun”, i terna tenna-d.
« Armas-a aḥmayan yemmal-d dakken Awanak akked uɣref dehlen addal, ideg yella yizen n telwit gar yiɣerfan », i d-tenna mm tzalɣi n wureɣ.
