Tessemzi Muludeyya n Dzayer Talɣuɣa n Tcirḍart n Dzayer n 2023-2024 i tikkelt tis tamet deffir ma terna Tadukli Taddalant n Dzayer s 1 ɣer 0 deg temlilit d-yellan deg wass wis 26 n Temɣunt 1ut n Mobilis i d-yellan ass n usimwas deg unarir n 5 Yulyu n Dzayer.
Taɣlamt n « Uzegzaw d Uzewwaɣ » n Tmaneɣt tfureṣ seg temlilit d-yellan gar Uqusis Addalan n Qsenṭina d Tillumẓa Taddalant n Belouizdad i ifuken s tgadda n 1 ɣer 1, akken ad tessemzi Talɣuɣa n Dzayer.
Ineɣlamen n Youcef Belaili ḥazen-d 60 n tenqiḍin, deg wakud mani Tillumẓa Taddalant n Belouizdad tewwi-d 46 n tenqiḍin, ma d Aqusis Addalan n Qsenṭina ila 45 n tenqiḍin.
Muludeyya n Dzayer sreslen-tt-id deg 1921 yernu d tikkelt tis tamet mani ad tessemzi talɣuɣa, deffir ma tessemzi-tt yakan deg 1972, 1975, 1976, 1978, 1979, 1999 d 2010.
Muludeyya turar tasemhuyt d tasurfant yernu tsul tessaram ad ternu ad tessemzi taqbuct. Tagarant n teqbuct ad tt-turar mgal Tillumẓa Taddalant n Belouizdad.
Muludeyya tessemzi talɣuɣa s yiswi n ulemmas n unrar ivoiri, Zorgana, deg tmikt tis 23 n temlilit.
