Aneɣlaf n Tillumẓa, yettwakelfen s Useqqamu unnig n tillumẓa, Mustapha Hidaoui yeldi s wudem unṣib, ass n usimwas deg Timimun, tamesbanit taɣelnawt « Tagrest 2024 » i yilemẓiyen, ara d-yeḍrun seg 20 ar 31 dujember, sddaw n usentel « tillumẓa yettembiwilen ».
Deg yinaw-is n ulday, yesseddi-d Mass Hidaoui dakken « tamesbanit-a iswi-s agejdan d asersi n yiwet n tmuɣli tamaynut i usmal n yirmuden n yilemẓiyen s yiwen n useqreb n uselqey n wazalen akked yinẓa deg yilemẓiyen, gar-asen idles n twizi i yessaram uneɣlaf ad ten-yeẓẓu deg teggayt-a ».
« Tasetratijit n ugezdu aɣlifan ters ɣef uesrsi n wansayen imaynuten yerzan asuddes n yigruren n tegres, am ugrur n unebdu i ssuddsen i lfayda n yilemẓiyen n temnaḍin n unẓul deg yigezda yellan ɣef yiri n yilel », i yerna yenna-d uneɣlaf.
Icar-d tamasbanit-a seg Timimun s uttekki n 400 n yilemẓiyen i d-yekkan seg 14 n yigezda, irad ad yili deg-s, asuddes n ugrur n Tegrest akken ad ilint temliliyin gar yilemẓiyen idzayriyen i d-yekkan seg yigezda yemgarden, i d-yenna uneɣlaf.
