Isegbaren akked tmetti taɣarimt ssuddsen, deg tlemmiẓt-a n Tfaska tameẓẓyant, mennaw n tirza ɣer yisegnafen, yixxamen n yimdanen iwessaren akked tudrin n yigerdan yellan deg uḍiqi akken ad asen-ssiwḍen, i teggayin-a, cwiṭ n tumert deg Tfaska-a.
Mi temmeslay yid-sen Tnegga n Yisalan n Dzayer, tuggta seg yisegbaren msegzi deg tmenna-nsen, tigawin-nsen kkat-d akk seg yizalen n Udzayri, yettwasnen s tallalt akked temsetlelt, ladɣa deg tlemmiẓin am ti.
« Ansay n umbiddel n yingulen deg tmeɣra gar yinaragen akked wid i d-aɣ-yettilin temmal-d akken yessefk idles-a n lejdud, ila iswi n uselqey n wazalen n uzuzzer akked tumert », i d-nnan.
I tlemmiẓt-a, Tiddukla « Amel el Djazaïr » (Asirem n Dzayer) ur tekkis ara Aqiḍun n yimensi n Remḍan, yellan deg umraḥ Lkettani def Bab Lwad (Dzayer tamaneɣt), maca tikkelt-a, i wakken ad sgerwen, tanezzayt n Tfaska, iwiziwen akked wid akk yettekkan deg temzelt n Yimensi n Remḍan, zzin-d akk ɣef ṭṭablat n wungalen insayanen.
