Icar-d uneɣlaf n yiweẓla isɣananen d tesnegmaḍ, Youcef Belmehdi, ass n usamas deg Dzayer Tamaneɣt, taffasanin tigraɣlanin n teẓrigt tis 20 n Warraz n Dzayer n Ujewwed d Uhellel n Uqran Uqdis.
Amsazwar-a yettwassuddes ddaw leɛnaya tameqqrant n uselway n tegduda, Mass Abdelmadjid Tebboune, s udraw n wugar n 44 n tmura, yernu ad d-yili s usarag n teẓrit i ufran n yimazwaren yuɣen ɣer tgarant ad d-yilin deg yiḍ n Lisṛa d Miɛṛaǧ (Asikel Awaḍan d Walluy n Umazun talemmiẓt n Yuc fell-as).
Ilmend n waya, iderrer-d uneɣlaf ɣef umirew n Dzayer akken ad teḥrez Aqran Uqdis, ladɣa s usuddes n warraz-a d yimsazwaren iɣelnawen niḍen n ujewwed d uhellel n Uqran Uqdis, d uslugem akked usedger n tsukan n Uqran Uqdis.
Ixebber-d daɣ uneɣlaf dakken ur ttgellilen ara ad d-ssukken, deg ṛṛadyu, ahellel n Uqran i d-iga yiwen n umdan bu yisraten ulmisen.
Deg wayen yerzan azemz agaran, yessegza-d Mass Belmehdi dakken afran n yiḍ n Usikel Awaḍan d Walluy d azamul adusan d-yesskanayen assaɣ d Tmesgida n Laqṣa, ladɣa deg wattal-a animir mani d-yettili ulekkid d tenɣaɣreft tawagant i itteg uyun aṣehyuni mgal uɣref afalesṭini, ladɣa deg Ɣezza.
I usmekti, amgalaw n teẓrigt-a tis 20 n Warraz n Dzayer n Ujewwed d Uhellel n Uqran Uqdis llan deg-s yimaslaḍen idzyariyen d sin n yimaslaḍen seg Nijirya d Tgelda Tasaɛudit.
