Sduban, ass n uynas deg Dzayer Tamaneɣt, Tasmilt Taɣelnawt n Umesten n Tẓegwa i useggas n 2025, yernu tuɣdaḍt-nnes tagejdant d asmuteg n tselfawt n umennuɣ mgal tmurɣiyin.
Tasfugla n usdabu yesselwi-tt uneɣlaf n tkerrazt, asnegmu awmazir d usislem, Mass Youcef Cherfa, s tihawt n yiwnetlayen imuta n yiɣlifen i terza temsalt, ikataren n ugzum n tẓegwa, igensasen n umesten aɣarim, tamsetla taɣelnawt d tmetti taɣarimt.
Deg yiwet n tinawt i d-iga ilmend n waya, yumel-d uneɣlaf ussisen i gan akk yimeggiyen i terza temsalt, yernu d aya i yessawḍen ɣer yigmaḍ ur ilin tuta deg 2024, yernu aya yemmal-d dakken tijummiwin tiẓegwanin i tḥuza tmurɣit neqsent s 91% yernu aya yeɣs ad d-yini dakken seg tlemmast n 40.000 n yiqeṭṭaren i yellan reqqen yal aseggas-, tajumma-a tenqes-d ɣer 3.490 n yiqeṭṭaren.
Iderrer-d Mass Chorfa dakken igmaḍ d-yellan deg 2024 sseknen-d dakken amennuɣ mgal tmurɣiyin d umesten n tẓegwa ur yelli ara d tamasit kan n ugzum akerraan, wanag yella-d d “tigawt tadrawant iswi-nnes d amesten n tbaɣurt taẓegwant d wayla n yiɣermanen”.
Yumel-d, ilmend n waya, arured n tgermant d tiririt d-yellan deg unrar-a s usdusu d usineḍ n tarrayin n tgermant tagennant d tkalant, am wakken i d-yezzireg tamlilt taxatart n yimeẓla n tɣellist deg umennuɣ mgal tmurɣiyin n tẓegwa, amezwaru deg-sen d aɣlif n umzaɣ aɣelnaw i d-yefkan 85 n yidṛunen ilmend n waya, akked temlilt n tkebbanit tagennant n “Tassili Airlines”, yellan d afurk n tegrawt n Sonatrach, deg usdusu n wussisen n uḥezzeb d umennuɣ mgal tmurɣiyin n tẓegwa.
