Qawan imeẓla n umesten aɣarim deg 24 n tesragin tineggura, ad ucen iɣallen n wallal I ujar n 200 n yudan d ufukki n 45 n yixfawen n tulli d usergi n 70 n tkerrusin yuḥlen, aɣella n umeḍren agennan i d-yeḍran deg labas n twilayin deg tmurt, ammek i d-ittwasnen, deg wass n usiḍyas ɣer yimeẓla.
Yessegzi-d udunemhal n tesnaddadt d uselɣu n Tmehla tamatut n Umesten aɣarim, amenzaḍ Nassim Bernaoui, deg tesguri i Tnegga n Yisalan n Dzayer, belli yimeẓla n umesten aɣarim gin labas n temhal deg 24 n tesragin ineggura deg labas n yigezda n tmurt, ɣef umeḍren agennan d theggit n tmetna d udfel s labas, mani fukken ujar n 200 n yudan tgara n ufukki n 45 n yixfawen n tulli d usergi n 70 n tkerrusin yuḥlen seg yideflawen n iɣ seg waman n lgerret.
Ɣef temhal yellan deg wammas n tmurt, yekti-d umenzaḍ belli imaslaḍen n umesten aɣarim deg twilayt n Blida fukken 60 n yudan, 7 seg-sen wwin-ten ɣer usengar, renin iɣallen n wallal deg ugezdu n Tubirt fukken 27 n yudan llan deg 10 n tkerrusin, mani ssergen-ten nehni akked tkerrusin yuḥlen.
Deg usamer n tmurt, imeẓla-aya deg Suq Ahras fukken ujar n 45 n yudan, ladɣa deg tɣiwant n Xmisa, akked 3 n yudan deg tɣiwant n Sedrata d yyiḍ deg Ɛin Selṭan.
Deg wattal-aya, udfen imaslaḍen n umesten aɣarim deg tɣiwant n Xencla bac ad fukken 30 n tkerrusin yuḥlen seg yideflawen, rnin fukken 26 n yudan yella deg lkar d 5 yyiḍ yella deg tkerrusin-nsen deg tɣiwant n Lexzara, ma deg batent ttufukkent 4 n tkerrusin yuḥlen seg yideflawen, yekti-d uɣbalu.
