Yenna-d ugensas n Tuddsa Tanmaḍalt n Tdawsa deg Dzayer, Phanuel Habimana, ass n ukwas, dakken Dzayer tla adeg d asnuddsan deg Tefriqt deg tɣult n temguri tawesfart, yernu teṭṭef ideggen imezwura deg wumuɣ n tmura tifriqiyin yedlen israten n yisafaren deg uswir adigan, ɣef wakken i d-yenna yiwen n ulɣu n uɣlif n temguri tawesfart.
Deg tbeddi i as-iga uneɣlaf n temguri tawesfart, Ouacim Kouidri, deg tesɣimt n uɣlif, agensas n Tuddsa Tanmaḍalt n Tdawsa, yellan ɣef yiɣef n yiwet n tmagla d taxatart, yessekyed d uneɣlaf « ammaken d yiketturen n Dzayer deg tɣult n temguri tawesfart, afares n yisafaren d yimetwiyen isnajyanen yemgerraden, akked unagraw yettwasmemmin deg wayen yerzan aklas n yisafaren », ɣef wakken d-yerna ulɣu-a.
Ilmend n waya, iwekked-d Mass Phanuel dakken “Dzayer teṭṭef adeg d asnuddsan deg wayen yerzan tamguri tawesfart, yernu d aya i tt-yeǧǧan ad teṭṭef ideggen imezwura deg wumuɣ n tmura tifriqiyin deg wayen yerzan asedwet n yisraten n yisafaren ».
Akken ad teḥrez Dzayer asmunu-a yernu ad ternu amur n yisiǧwen-nnes deg yifarisen iwesfaren d yimetwiyen isnajyanen, yezzireg-d ugensas n Tuddsa Tanmaḍalt n Tdawsa ɣef tixxutert n usduqqes n usenfar yesdukklen Tuddsa d Tnegga Taɣelnawt n Yifarisen Iwesfaren, ɣef wakken d-yesseddi ulɣu-a.
Yefka Mass Phanuel, seg yidis niḍen, aneɛruḍ uzzig i Dzayer akken ad tedrew deg unmureg anamḍal n Tuddsa Tanamaḍalt n Tdawsa mani ad d-mlilent tmura tinfarasin n yifarisen iwesfaren.
Seg yidis niḍen, yumer uneɣlaf s unegmu n ugzum n temguri tawesfart deg Dzayer, yernu yenna-d dakken tamurt-nneɣ ad tebdu, uqbel n tgara n useggas, afares n tnegwa timenza i uɣraf n yisafaren imgelfurrayanen, am wakken i d-yenna dakken tiwwura n ublag d usfukti deg temguri tawesfart sulent reẓment deg Dzayer, ɣef wakken tt-id-yextem ulɣu-a.
