Imazwaren ilelliyen i ukayad n Lbak akked Ugerdas n usegmi alemmas (taɣemlilt n 2024) ad sɛeddin akayad n usegmi afekkan addalan deg twala yeẓẓlen seg 8 ar 20 mayu, i d-icar, ass n uynas (letniyen), uɣlif n Usegmi aɣelnaw deg yiwen n ulɣu.
« Yesselɣa-d uɣlif n Usegmi aɣelnaw imazwaren n Usira aɣelnaw n uselmed akked usileɣ s umeccaq (ONEFD), dakken akayad n usegmi afekkan addalan ad yeḍru seg wass n ukras (larebɛa) 8 mayu ar uynas (letniyen) 20 mayu 2024 ».
Imazwaren ilelliyen akk yerza ukayad n uselmed afekkan akked waddalan yessefk ad ddmen tubbka-nsen seg udeg aliktrunan n Usira aɣelnaw n yikayaden akked umsazwar (ONEC), (https://bem.onec.dz) akked (https://bac.onec.dz) s usidef n yisem n usemres akked wuṭṭun uffir, aya seg « usinas 16 yebrir ar usinas 07 mayu 2024 », i d-yesseddi uɣbalu.
Imazwaren ilelliyen terza temsalt n usekyed ad ruḥen ɣer Usammas n ukayad deg uzemz akked usarag i d-yersen deg tubbka”, , i d-yezzireg uɣlif.
