Tettmahal Dzayer, iseggasen-a ineggura, akken ad tessezgi anagraw-is adawsan ɣer uckaḍ n umhaz n tesnatwilin i d-yeḍran deg tesnajya, ladɣa asebɣes n yinagmayen i yettmahalen ɣef usekcem n tiɣist tagemdant (IA) akked tesnatwilt tumḍint deg teɣult n tdawsa i uselhu n tesnajya.
Nnan-d yinagmayen, i Tnegga n Yisalan n Dzayer, dakken ttmahalen ɣef wallalen ara asen-iɛemden ad faṛsen seg ufara asnatwilan i lfayda n tdawsa akken ad nesselhu n umsenefru akked uqabel n yimuḍinen.
Gar-asen, Anemhal n Tẓunt « Anagraw n telɣut akked unagraw agetmedya » deg Usammas n tegmi ɣef telɣut tussnant akked tetwilant (CERIST), Abdelkrim Meziane, i d-yesseddin dakken inagmayen idzayriyen zgan ttmahalen akken « ad skecmen tasnatwilt tumḍint deg yimeẓla n tdawsa » am wayen akk i d-iḍerrun deg teskala tanmaḍalt.
Akken ad yessegzi ugar ayen i d-yenna, yebder-d yiwen n usenfar n unagraw asnatwilan, i snegman deg Usammas, akken ad alsen asegmi i yifassen seg tɛedda tezɣent ɣef umdan. S ucrak n umussu-nsen i wid i d-sɣenwen deg unagraw.
