Aneɣlaf n Usegmi aɣelnaw, Mass Mohammed Seghir Sadaoui icar-d, ass usiḍyas deg Dzayer tamaneɣt, alday n 5 n tesnawiyin timnaḍanin yemmuzgen deg tusnaktin.
Yemmeslay-d deg yiwet n tfugla ilmend n Wass agraɣlan n tusnaktin, i ssuddsen deg Usfaylu ussnan akked usnatwilan « ameɣras Abdelhafid Ihaddaden » yellan deg Sidi Abdallah (taram n Dzayer), yenna-d Mass Sadaoui dakken agezdu-s « yeɣetes akken ad yeldi semmus (5) n tesnawiyin timnaḍanin yemmuzgen deg tusnaktin akken ad remsen ibalmuden i d-yewwin talemmast tamenyift deg tusnaktin deg uɣerbaz alemmas.
Akat-a « yers deg ukatar n tsetratijit i la d-yettheyyi uɣlif n Usegmi aɣelnaw, s umyalel akked uɣlif n Usegmi unnig akked Tegmi tussnant, ilmend n tnafut yettnernin yerzan tusnaktin, ladɣa tusnikin, d ayen yellan d agejdan deg tesnatwilin imesden, tegzi tagemdant, tasengama tallunant akked tesnajya tatrart.
