Aneɣlaf n Usegmi aɣelnaw d uselway n Tesmilt Taɣelnawt n Usegmi, Tussna d Yidles, Mohamed Seghir Saadaoui, yedrew, ɣef yiɣef n yiwet n tmagla, deg Usarag wis 14 n yineɣlafen n usegmi aɛraben, i d-yettwassuddesen seg wass n 5 ɣer 7 yennayer deg Duḥa (Qaṭar), ddaw uzwel n « almud ummid d ussebɣes n yiselmaden: tamuɣli tassnuddsant i ussegmi deg Umaḍal aɛṛab », ɣef wakken i d-yenna ass n asinas (ttlata), yiwen n ulɣu n uɣlif.
Yerna-d uɣbalu-a dakken Mass Saadaoui, deg tgermant-nnes, n wass-a, deg usarag-a, i d-tessuddes Tuddsa Taɛṛabt n Usegmi, Idles d Tussna (ALECSO), aɣlif n Usegmi d Ulmud Imineg deg Uwanak n Qaṭar, d Tasmilt Taɣelnawt n Qaṭar n Ussegmi, Idles d Tussna, tessekyed-d tarmit tadzayrit deg usiweḍ n ussegmi aɣelnaw d ussebɣes n yiselmaden , s uskasi ɣef wussisen i d-yeg uwanak akken ad d-yili uḍman n ussegmi i lfayda n wakk igerdan idzayriyen war ferruz ɣas akken llan taggayin-nsens, yerna ɣef yimgazeni d-yessen unagraw aɣelnaw n ussegmi seg wasmi i d-yewwi azarug.
ilmend n waya, yebder-d uneɣlaf iksaben iɣer wwḍen deg wayen yerzan aseḥbiber ɣef yimeḍar d uḍman n uzref-nsen deg usselmed, deg ukatar n tmuɣli n uɣerbaz adzayrin waya i uḍman n usselmed ummid i wakk taggayin, gar-asent inelmaden i yellan d tarwa n yiminigen d yizrazaɣen seg wakk timura, yerna yenna-d dakken « Dzayer tedhel igerdan ifalesṭiniyen yewwḍen leɛmer n wadaf ɣer uɣerbaz yernu teḍmen aɣerbaz-nsen deg tegnatin yessfken, yella-d waya I uzrak n tsunḍiwin d yisendah n Uselway n Tegduda, Mass Abdelmadjid Tebboune ».
Seg yidis niḍen, yesslumse-d uneɣlaf ɣef ussisen i tga Dzayer i lmend n ussebɣes n yiselmaden d usnerni n tzemmar-nsen akken ad sselhun amahil-nsen, s tukci-nsen n wadeg anmetti yelhan, d usselhu n tegnit-nsen tasensegmant, tanmettit d tedrimt, imi asebɣes n yiselmaden d ayen i d-yettuɣalen s taɣara i ussegmi d yigemmaḍ yelhan i unagraw n ussegmi.
