Aneɣlaf n Ugensu, n Tenbazin tidiganin akked Uṣeggem ugelluy, Brahim Merad yesweḍ, ass n ukraḍas (larebɛa) deg txencelt, mennaw n yisenfar isemsaken yeqqnen ɣer ureqqeɛ akked usetrer n uẓeḍwu n yiberdan, yersen deg wahil asemdan n usnegmu i fkan i ugezdu.
Deg wass wis sin n tirzi-s deg ugezdu-ya, Mass Merad yedla ɣef tiddin n mennaw n yisenfaren yerzan agzum n yimuhal inagduden, yebdan deg ukatar n wahil amagnu akked wahil asemdan i d-iṣaḥen agezdu-a.
Anaf deg-sen tẓa (9) n temzal n uzraw, aseḍru n yisenfaren imaynuten, areqqeɛ akked uslag n yiberdan n kra n yigellas ixataren, ad yettenqam usiẓref-nsen 7,2 n yimelyaren n yidinaren.
Yelqeḍ-d uneɣlaf isalan, deg wattal-a, n tiddin n usenfar n useḍru n ubrid anẓul-amalu i d-yezzin i temdint n Txencelt, akked usenfar n lebni n ubrid n ugezdu uṭṭun 8 yeqqnen taɣiwant n Cercar akked Babar, seg usun Lmeyta, deg-s 66 km.
