Yesduba uneɣlaf n ugensu, tinbaziyin tidiganin d useqɛed n ugelluy, Brahim Merad, ass n ukwas tameddit deg Ɣilizan, Kamel Berkane, s yisem-nnes d awali amaynu n twilayt-a, yernu d netta ad d-ixelfen Sami Medjoubi umi tettwasbedd twuri.
Deg tfugla n usbadu, i d-yellan deg tesɣimt n twilayt s tihawt n yiduba idiganen iɣarimen, iredsanen d yiɣedmanen akked yimazanen n snat n texxamin n Umni, ufrinen, igensasen n twacult tagrawlant d tmetti taɣarimt, yezzireg-d uneɣlaf dakken awanak itteg ussisen d ixataren deg tɣula yemgerraden yernu aya ila tusurt d tusridt yernu d tumnigt ɣef tmeddurt n yiɣermanen.
Yesmekti-d Merad dakken ussisen-a srin ugar n umirew sɣur akk imeggiyen i wawwaḍ ɣer yiswiyen d-yettwasebḍen, ladɣa aselhu n tegnit n tmeddurt n yiɣermanen s uzrak n tsendah n uselway n tegduda, Mass Abdelmadjid Tebboune.
Yesseddi-d dakken « aselway n tegduda yettafk azal d amaẓlay i twilayt n Ɣilizan, yernua d d-tesfaydi, deg yimal, seg wahil assmadan n unegmu ilmend n usmal-nnes ».
Yenced-d uneɣlaf akk imasayen, ufrinen idiganen, tiddukliwin d tmetti taɣarimt akken ad dehlen awali amaynu n Ɣilizan yernu ad t-allen akken ad yeg iniḍi-nnes ilmend n uckaḍ n ukala n unegmu d uselhu n tegnit n tmeddurt n yiɣermanen.
