Aneɣlaf n Ugensu, n Tenbazin tidiganin akked Useqɛed n Ugelluy, Mass Brahim Merad, isers, ass n uynas deg Wad Suf, Mass Larbi Bahloul d aɣella amaynut n ugezdu n Wad Suf, deg umḍiq n Mass Said Akhrouf, i sersen d aɣella deg ugezdu n Skikda, deg ukatar n uzgen n umussu n yinmigalen n yiɣellaten i iga uselway n Tegduda, Mass Abdelmadjid Tebboune.
Yemmeslay-d deg tlemmiẓt-a, Mass Merad yenna-d dakken iswan n wahil n yiɣellaten n yigezda iga uselway n Tegduda, Mass Abdelmadjid Tebboune, banen, ad awḍen ɣer tɣellist tameččant akked tdamsant, akken ad neffeɣ seg uḍfar n yiserɣan akked lebni n yiwet n tdawsa tadusant.
Yenna-d uneɣlaf, seg yidis-nniḍen, dakken “Dzayer ters deg nnican n tdusiwin n uhuddu », ɣef waya yessefk ad ḥarben fell-as warraw-is imekdiyen, ɣef yixf-nsen islekmanen akked wufrinen n ugezdu ».
Yerna yezzireg-d dakken iɣellaten terza temsalt n uzgen n umussu-a, yessefk fell-asen ad sseddun ahil n uselway n Tegduda Mass Abdelmadjid Tebboune, yerna ad ttekkin deg lebni n Dzayer tamaynut ara izemren ad tqabel icqirrwen n yimir-a.
