Yesselwi uwali n Dzayer, Mohamed Abdenour Rabehi, ass n usamas, asdabu n snat n tesmilin d-yelhan s uḍfar n usekmem n yisenfaren n yiɣawasen awraɣ d uẓerwal deg ukatar n « tmuɣli tasnuddsant n usnegmu d usetrer n tmaneɣt », ɣef wakken i d-yenna yiwen n ulɣu n yimeẓla n twilayt.
Iɣawasen n uwraɣ d uẓerwal llan-d deg ukatar n tmuɣli tasnuddsant n usnegmu d usetrer n tmaneɣt, d-yesmahi Mass Rabehi sdat uselway n tegduda, Mass Abdelmadjid Tebboune, ɣef wakken i d-yesmekti uɣbalu-a.
Asdabu snat-a n tesmilin d-yelhan s uḍfar n usekmem n yisenfaren n uɣawas awraɣ i umesni d tizzirezt deg tmaneɣt d uɣawas aẓerwal i usetrer n temnidt tawlalt seg Ɛin Lbenyan ɣer Tmentfust yella-d « deg ukatar n tegrayin n yimyagren d tɣimiyin n umahil d-yellan ɣef yisenfaren n tmuɣli-a tasnuddsant ».
Tafugla n usdabu tella-d s tihawt n yiwnetlayen imuta n yiɣlifen n umesni d yimahilen inagduden d tdumṣukin n uzadur, inemhalen imuta n yiɣsuren inagduden yeqqnen ɣer sin-a n yigzumen, imaslaḍen n ugman aslekman d yikataren n twilayt, ɣef wakken i d-yenna ulɣu-a, i d-ixebbren ɣef « usuddes n temliliyin tiwalanin d tuffɣiwin ɣer unrar i uḍfar n twaẓit n yisenfaren ».
