Yules iwekked-d uwnetlay amatu n uɣlif n yiweẓla iwerdaniyen, amɣiwan aɣelnaw deg uzɣar d yiweẓla ifriqiyen, Lounes Magramane, ass n usinas seg Geneve, amirew n Dzayer akken ur tettcuḥḥu ara akk i kra n wussis akken ad tedrew deg uḥraz n talwit d tɣellist tagraɣlant, yernu ad tḥezzeb i yimyenkafen umrigen d wadiken n ccwal.
Deg wawal-nnes deg usarag n uswir unnig ɣef tukksa n yimrigen d-yettilin deg Geneve, yesguri-d Mass Magramane dakken Dzayer teddem tamasit s yisem-nnes d tamaslaḍt tarmezgit n Useqqamu n Tɣellist n Yiɣlanen Yeddukklen i tallit n 2024-2025, yernu “temmirew akken ur tettcuḥḥu ara akk i kra n wussis akken ad tedrew deg wussisen igraɣlanen yekkaten i umesten n talwit d tɣellist, yernu ad tfak imyenkafen umrigen d wadiken n ccwal i yettkemmilen, bnaqes, gellun s yigiman n tmeddurin timelsiyin”.
Yules iwekked-d, ilmend n wa-a, tiɣri n Dzayer i wakk imeggiyen n umɣiwan agraɣlan akken ad sssiselgen ussisen i uḥraz n temyadast tageddisant deg usefrek n wassaɣen igraɣlanen ilmend n uferru n ccwal animir d usmenyifi n tefratin timelwiyin yettwasedgen i yimyenkafen, maci d aseqdec n tdusi”, yernu yefka-d amedya n ulekkid aṣehyuni mgal tesfift n Ɣezza.
Yessenfali-d Mass Magramane adhal n tmahla tadzayrit i tesmektayt tamaynut n talwit n 2023 i d-yesmahi uwnetlay amatu n Tuddsa n Yiɣlanen Yeddukklen, Antonio Guterres, yernu yezzireg-d ɣef tḍunnit n usekmem n yisemtar d-yeddan deg “Urkawal n Tqacuct n Yimal” deg wayen yerzan tukksa n yimrigen.
Yesmekti-d daɣ dakken Dzayer i yesselwin Taseqqimt n Tukksa n Yimrigen n 1979 i yuɣalen d Asarag n Tukksa n Yimrigen, tedhel ussisen n wallus n usdinem n usenbeḍ n usarag-a, am wakken i d-yesseddi dakken Dzayer “tessuggum ad tales ad tesdinem ussisen ubligen i usduqqes n tallunt-a n ustag i uḥraz n tittwaflest-nnes, ladɣa deg wayen yerzan uɣal n yimahilen isgumanen d uzeddi n wallalen izerfanen igraɣlanen ikmaranen, ladɣa deg wayen yerzan tukksa n yimrigen iɣwawanen, yernu yettɣimi-d waya d tuzwirt tamagdezt”.
