tulles-d Dzayer, ass n asiwmas (ljemɛa) deg New York, amirew-nnes akken ad tedhel ukk ussisen yellan iswi n umesten d uḥraz n yigerdan deg tlemmast n yimeynkafen umrigen, am wakken i tessaẓer arkaḍ i la iteg uwdag aṣehyuni mgal yigerdan ifalesṭiniyen.
Tagensast n Dzayer, Massa Nawal Noureddine, tenna-d - deg yiwet n tɣimit n Useqqamu n Tɣellist n Yiɣlanen Yeddukklen ɣef yigerdan d yimeynkafen umrigen- dakken « deg wattal n trennit n yimeynkafen deg mennaw n temnaḍin n umaḍal, yessefk ad asen-yettunefk ummesten i lmend n useǧhed n usirem n yimal yelhan, yerna yessefk daɣen ur nteffer akk d ussisen akken ad neḍmen taɣellist n yigerdan ».
Deg tinawt-nnes - i d-yellan deffir ma yessmemmi Useqqamu n Tɣellist asenfar n tneɣtust yerzan amesten d uḥraz n yigerdan deg temnaḍin ideg yella umyenkaf, d win ideg tedrew tmagla tadzayrit deg usemmend-nnes, tenna-d « Dzayer tettzulu s usmemmi n tneɣtust-a yernu tulles amirew-nnes arawtil akken ad tedhel ukk ussisen yellan iswi-nsen d amesten d uḥraz n yigerdan deg tlemmast n yimeyenkafen umrigen ».
Tebder-d tagnit n yigerdan deg Ɣezza d-yeglun n urkaḍ i d-yellan mgal-nsen sɣur wewdag aṣehyuni, am wakken i d-tesmekti s yimḍznrn yessaggaden i d-yessuffeɣ unemhal aslekman n UNICEF deg wass n 14 Djembeṛ deg wayen yerzan igiman n yigerdan i yeɣlin d imeɣrusen deg Tesfift-a, deg wakud ideg warɛad llan igiman niḍen yeḥwajen israyen igejdanen, deg tlemmast n ukemmel n wewdag agdal n wawwaḍn tallalin timdananin ɣer wid yenḍuṛṛen.
Tenna-d dakken amḍan-a n yimeɣrusen « yesskanay-d s telɣa tameqrant » arkaḍ akmaman d ameqran i ttgen yiɣallen n wewdag aṣehyuni mgal yigerdan.
