Yesḥassef Čad « addud n uḥqar” n uselway afransi Emmanuel Macron deg wayen yerzan tihawt taredsant tafransit deg Ssaḥel, d tameslayt daɣen i tessiẓer ula d Sinigal.
Anabaḍ ačadi yenna-d dakken “yesḥassef ɣef tmeslayt i d-yenna melmi kan Uselway n Tegduda tafransit, Emmanuel Macron, i d-yemmalen yiwen n waddi n uḥqar ɣer Tefriqt akked Yfriqiyen », i d-yenna yiwen n ulɣu n uneɣlaf ačadi n Yiweẓla izɣaranen Abderaman Koulamallah i d-ɣran deg tliẓri n Uwanak ass n uynas tameddit.
Teḥbes tmurt n Čad, deg teggara n wayyur n wamber, imtawayen iredsanen i tt-yeqqnen ɣer tdusi tahersant taqburt.
Yenna-d Mass Koulamallah dakken “imasayen ifransiyen, yessefk fell-asen, ad lemden aqader n uɣref afriqi”.
Deg ulɣu-s, yezzireg-d Koulamallah ɣef « temlilt tagucclant » n Tefriqt akked Čad deg uslelli n fransa deg sin n yimgura inmaḍalen yezrin, « Fransa werǧin tesṭeɛref s waya » neɣ « taɣersawt n yiserdasen ifriqiyen ».
