Tagrawt A3+ deg Useqqamu n Tɣellist (Dzayer, Sumalya, Sierra Leone + Guyana) tenna-d ass-a, akwas (lexmis), deg New York, tuḍḍfa-nnes deg ukala asertan ummid i usiweḍ ɣer talwit tunzigt deg Yaman.
I lmend n waya, iwekked-d ugensas n Sierra Leone deg Yiɣlanen Yeddukklen, Michael Imran Kanu, deg yiwen n yinaw i d-yefka s yisem n tegrawt n A3+ deg temlilit n Useqqamu n Tɣellist ɣef liḥala deg Yaman, yernu yenna-d: « Tagrawt n A3+ werɛad-itt tedhel ussisen idiplumatiyen n umazun uzzig n uwentlay amatu n Yiɣlanen Yeddukklen s yiswi n ussiweḍ n talwit tunzigt deg Yaman. ».
Ikemmel yenna-d dakken « Aseqqamu n Tɣellist yessefk ad ikemmel ad d-yesmekti lebɣi-nnes akken ad yeḍmen abrid asertan aɣelnaw ara d-yelhun s wuguren n tɣellist d tsertit ay d-yettmagaren Yaman ».
Ikemmel yenna-d dakken « Aseqqamu n Tɣellist yessefk ad ikemmel ad d-iwekked amirew-nnes akken ad yeḍmen akala asertan aɣelnaw ara d-yelhun s wuguren n tɣellist d tsertit i d-yettmagaren Yaman ».
Tagrawt-a twekked-d daɣ dakken « yessefk ad d-tili talwit d urkad unzig i ussebded n yinagrawen n udabu aɣelnaw i yessefken d ukemmel n ufares n urrig d upitṛul i ussiǧew-nesen d usedmes n tdamsa taymanit ».
Tagrawt n A3+ ttbeggen-d « aɣilif-nnes alqayan ɣef usnici n yiɣermanen d tdumuṣkin tiɣarmanin (...) », yerna twekked-d « azal d tixutert n ukemmel n wussisen n tebdammast ddaw leɛnaya n Yiɣlanen Yeddukklen ».
