Iga Useqqamu n Tɣellist n Yiɣlanen Yeddukklen asurif d aɣettas deg umennuɣ mgal usidrem n tremɣa mi tesmemmi Tseqqimt-nnes mgal Tremɣa akk imenzayen imesnilen yettwasemman ɣef tmurt-nneɣ: « Imenzayen Imesnilen n Dzayer ».
Deffir ma teqfel Dzayer aseggas deg udraw-nnes deg tseqqimt-a (2024-2025), tessaweḍ ad d-teǧǧ tadsilt d taxatart deg tsegda tagraɣlant n umennuɣ mgal tremɣa.
Asmemmi n « Yimenzayen n Dzayer » ɣef usidrem n tremɣa s tesnatwilin timaynutin yettgensis-d tukkest d takmamt deg udraw-a yernu aya yella-d daɣ d adraw amezruyan deg talwit d tɣellist tagraɣlant.
Wa d aseḍru adiplumati d aqerḍal yernu d agummu n yiwen n ukala n ustag yeṭṭfen aseggas s tummda-nnes ddaw tselwit n Dzayer i Tseqqimt mgal Tremɣa, yernu ad yettwarnu useḍru-a ɣer yiseḍra niḍen i d-tga Dzayer deg Useqqamu n Tɣellist anda i tekkat akken ad d-tzeddi akatar agraɣlan d amaynu akken ad tqabel icqirrwen d-yersen deg ukatar n umhaz arurad n tesnatwilin tidrimanin.
Asmemmi n « Yimenzayen n Dzayer » yella-d daɣ agummu n umahil d amaglay yernu d amyallan, d win mani i d-yella umciweṛ d alqayan gar yimuzayen n tmura yemgerraden. Akala-a d win d-yessutren asemyuddes d imdeqqeq d temṣukin tiɣelnawin n yal awanak amaslaḍ i uḍman n tenmeẓla deg wayen yerzan tigna tigraɣlanin.
