Yezzireg-d uneɣlaf n uwanak, aneɣlaf n teẓwert, inaɣzen d teẓwar d-yettuɣalen, Mohamed Arkab, ass n uynas, dakken akaten yettwasmemmin melmi kan deg Tuddsa n Tmura Timsiǧwin n Upitṛul d Yimsisan-nnes d wid i yessawḍen ɣer userked n wulzuz apitṛulan agraɣlan i ubaɣur n yinfarasen d yimsaduren, ɣef wakken i d-yenna yiwen n ulɣu n uɣlif.
Yenna-d Mass Arkab aya deffir udraw-nnes deg temlilit tis 58 n Tseqqimt Taɣlifant Turtikt n Uḍfar n Tuddsa n Tmura Timsiǧwin n Upitṛul d Yimsisan-nnes d-yellan ass n uynas s usarag n teẓrit s tihawt n uselway n Tnegga Taɣelnawt i Usmuteg n Teɣbula n Tmerɣa (ALNAFT), Mourad Beldjehem, d yikataren n uɣlif, ɣef wakken d-yenna uɣbalu-a.
Ilmend n waya, iwekked-d uneɣlaf n uwanak dakken “akaten i smemmin melmi kan yimaslaḍen n Tuddsa n Tmura Timsiǧwin n Upitṛul d Yimsisan-nnes d ayen i iḍemnen arkad n wulzuz apitṛulan agraɣlan i ubaɣur n yinfarasen d yimsudren”, am wakken i d-yerna dakken “ulama sulent tralkinin, izaduren n wulzuz sulen d uggilen s umata”.
“Tadamsa tanmaḍalt yella-d deg-s umleɣwi d yisɣal n uduqqes n unerni deg mennaw n temnaḍin. Deffir ma ulukkez asemhuyan deg usuter n upitṛul deg kraḍ n wayyuren imezwura n useggas, aql-aneɣ negguni aduqqes seg yebrir d asawen”, ɣef wakken d-yessegza Mass Arkab.
Deg wayen yerzan timlilit-nni, yenna-d Mass Arkab dakken “ineɣlafen n Tseqqimt Taɣlifant Tubligt n Uḍfar msenfalen timuɣliwin ɣef tegnit tanimirt n wulzuz apitṛulan d yiglan n umhaz deg yimalasen d-itteddun”.
