Tɛewwel Tnegga tadzayrit n usmal n usfukti ɣef useɣnew n yisfuyla imguranen deg labas n twilayin n tmurt, ammek i d-yessguri unemhal-nnes amatu, Omar Rekache, deg wass n ukwas deg Dzayer Tamaneɣt, mani iwekked belli timnaḍin-aya ad dehlen deg usnerni n wazal ameqqran, d tmeṣkiwt n tdamsa yemgirrden.
Yekti-d tɣawsa-aya deg innaw-nnes deg wass alɣudan yettwasuddes s ɣef Tnegga ɣef lfayedt n yimsemhalen idamsanen ɣef uciri n usfaylu unzig deg ufares n tewtilin d wallalen iɣurbizen deg twilayt n Burj Buɛririj, yeḍran s tihawt n unesfaw n uselway n tegduda imkellef s tnezzut d usigeẓ d usnuḍef d waǧaw d usiǧew, Kamal Rezig, d uneɣlaf n Tnezzut tawerdanit d usmal n yisiǧwen, Mohamed Boukhari, awali n twilayt n Burj Buɛririj, Kamal Nouicer, aselway n Useqqamu n usetrer adamsan adzayri, Kamal Moula.
Rnin derwen deg umyager-aya igensasen n umni s sent n texxamin-nnes, imasayen n Tuddsiwin n ayet-bab n umahil d tiddukkliwin timsadurin, tgara n yimsemhalen idamsanen urmiden deg taɣult n temguri n wallalen iɣurbizen.
Deg ukatar-aya yessegzi Mass Rekache belli Tanegga tettmahal imir-a s usemyuddes tgara n Useqqamu n usetrer adamsan adzayri ɣef usuteg n tewtilin n uciri n yisfuyla imguranen deg labas n twilayin n tmurt, am usfaylu n temguri n yiglimen d yiɣuniwen deg twilayt n Mdiya akked asfaylu n temguri n waruḍ d uzeṭṭa deg twilayt n Ɣilizan.
