Amni n yilel agrakal yerra tajmilt, ass n akwas (lexmis) deg Ruma (Ṭṭalyan), i unemhal amatu n tegrawt n Sonelgaz, Mass Mourad Adjal, s tukci-ines n warraz n « Ufazi i yilel agrakal » n PAM, ilmend n tɣimit tamatut tis 19 n umni, ɣef wakken i d-yenna yiwen n ulɣu uɣlif n Teẓwert d yinaɣzen.
Tusa-d tejmilt d asteɛref i wussisen n Mass Adjal deg useǧhed n unmireg gar Turuft-Yilel Agrakal deg tɣult n teẓwar d-yettuɣalen, d tamlilt-nnes deg udhal n umyessmad aẓewran gar yiẓeḍwan n tetrist deg temnaḍt-a.
Tafugla n tukci n warraz-a tella-d deg yiwet n tfugla tunṣibt i d-yessuddes Umni aṭalyani deg Leqṣer n Barberini, s tihawt n wudmawen yettwassnen deg tsertit d tdamsa, rnu-as anmahal n Dzayer deg Ṭṭalyan d mennaw n yimaslaḍen n Umni s snat n texxamin-nnes.
Deg yiwen n yinaw-nnes i lmend n tegnit-a, Mass Adjal yessenfali-d zzux-nnes s tejmilt-a, yernu izul-d adhal n yiduba unnigen n tmurt, ɣef yiɣef-nseb aselway n tegduda, Mass Abdelmadjid Tebboune, i wussisen n Sonelgaz i lmend n usdusu n ussefti deg teẓwert d-yettuɣalen d uḍman n tɣellist taẓwerant i temnaḍt-a.
Iwekked-d daɣ dakken arraz-a niɣ asqucec-a d asteɛref agraɣlan s wussisen n Sonelgaz d umirew n Dzayer deg useǧhed n unmireg amnaḍan deg tɣult n teẓwert, am wakken i d-yerna dakken tajmilt-a « tesskanay-d amahil ameqran ur i la nettmahal i lmend n udhal n tukkit taẓewrant, asdusu n yisenfaren n teẓwar d-yettuɣalen d umyessmad n yiẓeḍwa n tetrist deg temnaḍt n ugrakal”, i d-yenna ulɣu.
