iwekked uselway n tegduda, Mass Abdelmadjid Tebboune, deg wass n ukras deg twilayt n Ṭṭaref, belli timsuknin timeqqranin n usezḍi n waman n yilel yemmuyggen awra deg twilayin n Wehṛan, Tipaza, Ṭṭaref, Bumerdas d Bgayet d aserhu n Dzayer Tarennawt.
Yenna-d uselway n tegduda deg wawal-nnes aɣella mani yeḍfer assumer ɣef ukala n leqdicat n useḍrew n temsukent n usezḍi n waman n yilel « Kedia Draouch » deg twilayt n Ṭṭaref i d-yessig ɣef uẓunẓu-nnes : « tanemmirt i yixeddamen d yikataren d yimasayen ɣef wussisen-nsen deg useḍrew n yisenfaren imeqqranen-aya, seg-sen aneɣlaf n Uwanak, aneɣlaf n Teẓwert d yinaɣzen d teẓwar yettuɣalen, aneɣlaf n Usesswi, aselway anemhal amatu n Sonatrach d yya idehlen ukk deg useḍrew n yisenfaren imeqqranen-aya.
Iwekked uselway n Tegduda deg ukatar-aya belli isenfaren imeqqranen-aya d aserhu n Dzayer Tarennawt yerni yessaram ad ikemmel wahil-aya s uẓunẓu n sent n temsuknin n usezḍi n waman n yilel deg Bumerdas akked µBgayet, bac ad ikemmel uzrir seg ugmuḍ ɣer utaram s uɛeddi ɣef wammas n tmurt.
Yerni yessegzi belli isenfaren-aya imeqqranen ad qqimen deg umezruy, mani I d-yenna ɛad belli: “mebla asetlef, yedrus mani ad naf ahilen deg yiwanaken yyiḍ, ma deg tama n uɣbalu adriman, ma deg tama n useḍrew, yerni asemyuddes ameqqran yellan jar yikataren d yixeddamen imahlen deg tewtilin yuwṛen mabla ma ad ḥebbsen.
Yessenfali uselway n Tegduda ɣef usirem-nnes “deg useḍrew n tmurt-nneɣ I yisenfaren isnegma imeqqranen yyiḍ”.
Tafugla n uẓẓunẓu n ufares asnuddsan-aya teḍra s tihawt n uneɣlaf anesmigal ɣer uneɣlaf n umzaɣ aɣelnaw, anemɣur n yifesyanen n Tredsa taɣelnawt taɣerfant, ajiniral n Tredsa Said Chenegriha, aneɣlaf n Tezwert d yinaɣzen d teẓwar yettuɣalen, Mohamed Arkab, aneɣlaf n Ugensu d tenbaziyinj tidiganin d useqɛed amdinan, Brahim Merad, aneɣlaf n usesswi, Taha Derbal, tgara n yimasayen n tsuda tiɣelnawin imkellfen s usenfar-aya.
