Ibeggen-d uselway n tegduda, Abdelmadjid Tebboune, ass n asamas (lḥedd) deg Dzayer Tamaneɣt, dakken ad d-yili yiwen n umahil i usdusu n tekwat tayiwnant ɣef yiwswi n urafeq d udhal d usimek n yiseftiyen, i uḍman n usedger uɣdim n unegmu deg tmurt.
Aselway n Tegduda yessegza-d, deg yiwen n yinaw i d-yeɣra mani yessig arẓam n teẓrigt tis snat d yimsemhal idamsanen, dakken « takwat tayiwnant d nettat d tifrat taẓarant i wugur n tferka yerzan asefti, yernu maci d tamasit n Tnegga n Usmal n Usefti ».
Iwekked-d uselway n tegduda dakken takwat-a ideg ara ad ilin deg-s yigensasen n yigzumen iɣlifanen yemgerraden d tbankiwin yesɛan « aɣbal ummid», ad tili d « tifrat taẓaṛant » i wuguren i d-ttmagaren ayt bab (imwalan) n yisenfaren.
Yebder-d dakken tanegga-a tuɣal « terfed tamasit ur stezmir ara », aselway n Tegduda iwekked-d dakken amahel ɣef usenfar-a yebdu-d seg kraḍ n yiseggasen aya, am wakken i d-yerna dakken tanaḍt taselwayant ad tessegrer amahil n tekwat tayiwnant.
Deg yiwet n ukatar, iwekked-d ɣef umirew-nnes akken ad yekkes akk talɣiwin n tbiruqṛaṭit d « uciri n yinagrawen n teɣḍeft deg wakk iswiren i udhal n ufares aɣelnaw i wellan d anmeẓgay d yifarisen i d-yettwaǧwen » deg wayen yerzan taɣara.
