Yezmel uɣlif n Tedrimt d tkerrazt d usnegmu awmazir akked asislem, deg wass n ukwas deg Dzayer Tamaneɣt ɣef umtawa n usmatu n usidrem n yisenfaren ikerrazanen deg tbankatin tinagdudin, yellan imir-a deg tict n tbanka.
Yessig ɣef uzmal n umtawa-aya aneɣlaf n Tedrimt Abdelkarim bouzerd, d uneɣlaf n Tkerrazt d Usnegmu awmazir d usislem, Youcef Chorfa, s tihawt n uselway n Tiddukli n tbankiwin d teṛmisin tidrimanin, inemhalen imuta n tbankiwin tinagdudin, agensas n Tiddukkli taɣelnawt n yikerrazen idzayriyen d yikataren seg yiɣlifen-aya.
Deg wawal-nnes deg ukatar-aya, ibeyyen Mass Bouzerd tixxutert n umtawa-aya i d-yusin ɣef usnas n yimirwen n uselway n Tegduda, Mass Abdelmadjid Tebboune, deg tesɣimin tiɣelnawin n tkerrazt yemmuggen deg wember iɛeddan ɣef tḍulli n usidrem n tbankiwin turmidin deg usaḥel i usfukti deg ugzum akerrazan, yerni yessuteg uneɣlaf adaf n qli n teṛmisin tibankanin ɣer taɣult n usidrem n yisfuktiyen yeqqnen ɣer yirmad ikerrazanen, ladɣa Tabanka n Tkerrazt d usnegmu awmazir BADR.
Tgara n Tbanka n Badr, llant tbankiwin teyyiḍ deg umtawa: Tabanka taɣelnawt tadzayrit, Tabanka tawerdanit n Dzayer, Areṭṭal aɣerfan adzayri, Tabanka n usnegmu adigan, Asenduq aɣelnaw n usegfer d tazert-Tabanka.
Deg tama-nnes, iwekked Mass Chorfa belli asisteɛ n tjumma n usidrem abankan n ugzum akerrazan ad yewwes deg useḍrew n yiswan usnuddsanen n yiduba inagduden deg taɣult takerrazant, ɣef useḍrew n tɣellist tanuččit, deg usebges n usfukti ladɣa deg ukatar n uɣawas aɣelnaw n tkerrazin tisnuddsanin.
Yenna-d uneɣlaf belli amtawa yettwazemlen tus-d ɣef useḍrew n umtawa i d-yezmel uɣlif n tkerrazt d tiddukkli tamsadurt n tbankiwin d teṛmisin tidrimanin deg uneggaru n 2023 deg temsalt-aya, yerni yetthenna Mass chorfa belli amtawa-aya d tɣawsa tartart deg ubrid adamsan I d-iwekked fell-as uselway n Tegduda, yexsen ad yedhal agzum n tkerrazt, bac ad yessili awas-nnes deg tdamsa n tmurt, bac ad xelḍen ɣer 400 n yimelyaren n yidularen yellan d afares n ugensu anusem ɣer 2027.
