Tesselwi tneɣlaft n yidles d tẓuriwin, Soraya Mouloudji, ass n usamas deg Dzayer Tamaneɣt, arẓam unṣib n tɣemlilt tis sḍiset (6) n usileɣ « ɣef umesten n tgemi tadelsant d umennuɣ mgal usetti arusḍif n wayla adelsan » ilmend n yikataren n Tmehla Tamatut n Tɣellist Taɣelnawt deg ukatar n usfugel n wayyur n tgemmi.
Taɣemlilt-a tis sḍiset yessuddes-itt uɣlif n yidles d tẓuriwin s usemyuddes d Tmehla Tamatut n Tɣellist Taɣelnawt s usgum n umennuɣ mgal urkaḍ n tgemmi taɣelnawt yernu ad d-tili gar 21 d 25 Yebrir. Caren-d asileɣ-a deg Uɣerbaz Imineg n Temsulta n Ali Tounsi s tihawt n uɣella n udiwan n uɣlif n ugensu, imazdayen idiganen d useqɛed n ugelluy, anemhal amatu n tɣellist taɣelnawt d yikataren n tfekkiwin n tɣellist d tredsa.
Tenna-d Massa Mouloudji dakken taɣemlilt-a n usileɣ tella-d deg ukatar n usfugel i tesfugul Dzayer ayyur n tgemmi tadelsant i d-yettilin yal aseggas segf 18 Yebrir d 18 Mayu. Taẓrigt n useggas-a tella-d s tẓugayt n « Tigemmi Tadelsant d Usefrek n Yimizaten deg Wattal n Tezɣinin d Twuɣa Tigamanin », yernu yettili-d waya i « uwekked ɣef tixxutert tameqqrant n tgemmi tangant d trangant, askasi ɣef temsal tinefriyin yemgerraden d yikaramen yerzan iskaren n usefrek n tgemmi tadelsant deg talliyin n tezɣent d twaɣit tagamant d usmuteg n tesnuddsin i usdusu n umesten amakki n tgemmi tadelsant ».
« Tumant n usetti n wayla adelsan d nettat i d armud ajriman wis kraḍ deffir usetti n yimrigen d tehyufin yernu arkaḍ am wa d win ara aɣ-iḥettmen, ass-a, ad nessisleg ussisen yernu ad d-nzeddi imtawayen ubligen, am wakken ara d-nesseɣnew tismilin tiɣelnawin d temnaḍanin i umzaɣ n tgemmi n uɣlan ».
« Tella, ass-a, tefrit s tixxutert n unmireg ublig d usemyuddes n wussisen i umesten n tgemmi tadelsant taɣelnawt i yellan deg tmurt-nneɣ yellan d aḥric seg tgemmi n talsa, d takatut yernu d tamagit n uɣlan-nneɣ, yernu yella-d waya deg ukatar n umennuɣ mgal tejrimin yeqqnen ɣer waya », ɣef wakken i d-tenna Massa Mouloudji i d-iwekkden ɣef tḍullit n ugbar n tuggziwin yettxatalen « tigemmi-nneɣ tanesbaɣurt, tamanuḍt s usexṣer n wakk irmuden ijrimanen yeqqnen ɣer waya ».
