Yesmahi-d uneɣlaf n yidles d tẓuriwin, Zouhir Ballalou, ass n uynas, sdat tesmilt n yidles, taɣwalt d tmerrit deg Ugraw Aɣerfan Aɣelnaw, yiwen n uneskin ɣef waddad d yiglan n ugzum deg tɣula tidelsanin yemgerraden, akked tesnuddest n umesten d uḥraz n tgemmi tadelsant d tmagit taɣelnawt.
Deg uneskin-a i d-yesmahi s tihawt n tneɣlaft n wassaɣen d umni, Kaouter Krikou, d uselway nt esmilt n yidles, taɣwalt d tmerrit deg Ugraw Aɣerfan Aɣelnaw, Belkheir Guerzou, yezzireg-d Mass Ballalou dakken « timeɣsiwt n uwanak akken ad yesmel agzum adelsan deg yiseggasen-a ineggura, ladɣa seg wasmi i yettwafren uselway n tegduda, Mass Abdelmadjid Tebboune, ɣer tinneflest tanafellat n tmurt, d tamyadast yersen ɣef tukkit ɣer ugzum ad yilin d anfaras yernu d amellil ugar, yernu d win i yuɣden ɣer tdamsa ».
Yesseddi-d uneɣlaf, deg wayen yerzan tigemmi tadelsant tangant d trangant, dakken ta d « isger anumas » deg tnaya tadelsant tadzayrit, dɣa ɣef waya i yessefk ad d-teswasmuteg tesnuddest taɣelnawt i umesten-nnes s usmemmi n mennaw n wakaten ama deg uswir agensi, ama deg uswir uffiɣ.
Akaten-a rsen ɣef kraḍ (3) n yigellusen igejdanen yernu wi d « aktazel n tegnit tanimirt s usmagi n wassaren igejdanen d usumer n tsemsedda n umesten », « azeddi n wakaten n uḥezzeb i umesten d uḥraz n tgemmi tadelsant » d « yisumren imsekranen d yimehlanen » i umesten n tgemmi-a s usmemmi n tferkit n ubrid yessefrayen tigawt ɣer sdat », ɣef wakken i d-yenna.
Tiferkit-a n ubrid d tin yessefrayen azeddi n tebniqin timezgiyin n wawwaz ad yesseḥbibren ɣef warram n tukerḍa n tgemmi tadelsant tadzayrit s wakk talɣiwin-nnes, ackaḍ n temhal n wuddun aɣelnaw amatu n tgemmi-a, d uslummes ɣef wayla adelsan i ttarmen kra n yidisan ad t-akren.
