Yesselwi Uneɣlaf n Uwanak, aneɣlaf n Yiweẓla iwerdaniyen, Amɣiwan aɣelnaw Yeddren deg Uzɣar d Yiweẓla n Tefriqt, Ahmed Attaf, ass n asamas (lḥedd) deg Addis Abeba akked uneɣlaf n Yiweẓla iwerdaniyen n Tegduda Tafidiṛalit Tamegdayt n Ityupya, Gideon Timotheos, tadwilt tis semmust n Tesmilt Tubligt Tadzayrit-Tatyupit, ɣef wakken d-yenna yiwen n ulɣu n uɣlif.
Yessegza-d uɣbalu-a dakken taɣimit n urẓam n Tesmilt Tubligt « tezwar-itt-id temlilit tusligt gar sin-a n yineɣlafen, d tin i yeǧǧan ad d-yili uskasi ɣef yiberdan yesseflen n ukemmel n usmal n ublag asnuddsan gar snat-a n tmura, am wakken i d-yella umbaddel n tmuɣliwin d yisefka yerzan timsal tixatarin n yimir-a ɣef yeswiren amnaḍan d ugraɣlan ».
Yerna Yenna-d uɣbalu-a dakken imahilen n tesmilt tubligta yeǧǧa ad d-yili uktazel ummid i yesental n unmireg asindisan d useɣnew n yiswiyen itraren (imaynuten) ddaw n tafat n t n tuzwirin d yegzumen i d-yettwasenḍen, s uqader n iketturen idamsanen d yisirmen n unegmu n snat-a n tmura.
Tasmilt-a tubligt temmir daɣ, -ɣef leḥsab n matta d-yerni yenna-d ulɣu-a-, s « usdusu n ukatar azerfan i yussuddisen assaɣen gar Dzayer d Ityupya s uzmal n 13 n yiḍrisen usḍifen, gar-asen tisektayin n usegzu d wahilen islekmanen, yeṭṭfen mennaw n yegzumen, gar-asen iyya ɣesɛan azal ameqran d: tamguri tawesfart, asmal n iseftiyen, takerrazt, taẓwert, inaɣzen, tiṛmisin timeẓyanin, tussna n tallunt, aselmed unnig, addal, idles d teṛcibet ».
Sin-a n yidisan ssmemmin daɣ, ɣef leḥsab n uɣbalu-a, yiwen n ulɣu ublig i d-yesskanayen awati n tmuɣliwin d wadduden n Dzayer d Ityupya deg wayen yerzan timsal tiwatarin d ikaramen yettwafesren ɣef weswir afriqi d ugraɣlan, yernu iwekked-d ɣef tḍullit n ukemmel n umciweṛ d ussemyuddes gar snat-a n tmura deg umgared n tfugliwin tigeddisanin s matta yetteddun d imirwen-nsen ubligen am talwit, tilelli, taɣemt d umahel i tnufa-nnsen d tnufa n umenẓaw afriqi s umata.
